mujhay koray na maaro – a poem by Neelum Basheer
21 May 2009
Email this Article
Neelum Basheer has shared this poem for publication at this website. It is written in the context of atrocities that have been committed by the extremists in Swat and elsewhere in north-western parts of Pakistan. I will be translating this soon for the benefit of those who cannot read Urdu. (RR)
mujhay koray na maaro
phool say nazuk badan main dard hota hai
ragon main behnay wal khoon jum kar sard hota hai
mujhay koray na maaro
tumharay bagh ki nanhi kali hoon
abhi to adh khili hoon
na hi bahar na haryaali main nay dekhi hai
bus ik bhook aur budhaali mai nay dekhi hai
na gurya na khilonay ,sahelion ki hansi
mai nay kuch dekha nahi
tumharay khainchay huay daairay main rehti hoon
jo tum khilao wohi khaati aur pehenti hoon
jaisay bay bus tana ho lakri ka
jiss taraf tum bahao behti hoon
dil mai khamosh samandar meray
jisay mai aur bhi chup, chup hi kara daiti hoon
mere school jalaye tum nay
maut kay charkh chalaye tum nay
mere sub khwab sulaai tum nay
kabhi kutton kay aagay daal diya
kabhi zinda zameen main gaar diya
meri har cheekh dafan kartay ho
mera malboos kafan kartay ho
aankh say dekho zameen ki gohar nikaltay hain
khaak say roz nai surkh phool khiltay hain
NEELUM AHMAD BASHEER, Lahore
All My Posts, Arts & Culture, Poetry, South Asian Literature, Urdu, Urdu Literature
I love te colours and lay out of your blog, i really want to get hold of this theme, what are you using?
Great Poetry!
a really heart touching poem ,hamaray muashray ki sahi ukasi ki hay Neelum tum nay.
Bauhat achee nazm hai kaya kehney
Neelam buhat khubsurat nazam he—-mubarak ho
Nice it is
to
read thoughts
seem like
they are borrowed in a cave
deep inside a heart filled with
the only purpose to be set free…
Very nice , thank You
hi neelam ap poetry bi krti hain mjy nai pta tha its fentabulos u reay hav a soft corner 4 women
o neelam ji u r great kia poem likhi hay aap nay dil dukh se bhar gaya kitni sahi akasi ki hay aap nay u r great