kab uskaa visaal chaahiye thaa -Jaun Elia
29 April 2009
kab uskaa visaal chaahiye thaa
kab uskaa visaal chaahiye thaa
bas aik Khayaal chaahiye thaa
(visaal : union)
kab dil ko javaab se Gharz thii
hoNToN ko savaal chaahiye thaa
shauq ek nafas thaa aur vafaa ko
paas-e-maah-o-saal chaahiye thaa
(nafas : moment; maah-o-saal : months and years)
ek chehraa-e-saadaa thaa jo hamko
be-misl-o-misaal chaahiye thaa
(be-misl-o-misaal : incomparable)
ek qarb meN zaat-o-zindagii haiN
mumkin ko muhaal chaahiye thaa
Jaun Elia
Beautiful reminder of Mir
ek chehraa-e-saadaa thaa jo hamko
be-misl-o-misaal chaahiye thaa
just visited this site , raza rumi tum bari shai ho , i didnt kno . keep up the good work neelum basheer
the taliban r coming the taliban s r coming , koi hai jo hamin bachaaiy,, hum aurtain, kahan jain, zair e zameen dafn ho jain?
tere khayal ke dewar o dar banate hain,ham apne ghar mein bhi tera hi ghar banate hain……….
Waah!
bichda wo is ada se ke rut hi badal gayi,aik shakhs sare shahar ko viran kar gaya…….
Wah Jaun
Sharm,dehshat,jhijhak,pareshani,
Naaz se kaam q nahi leti?
Aap,wo,jee,magr,
Ye sb kya hai,
Tum mera nam q nahi leti???
a classic Qitta by Jon Elia